Haslach isch onser ganzer Stolz…
Volker Mall
Anlässlich des "Schwäbischen Abend" sang Volker Mall am 05.02.2010 erstmals das von im getextete und vertonte Haslacher Lied "Haslach isch onser ganzer Stolz...". Dies mit großem Erfolg. Er kam darum herum, dieses Lied an diesem Abend nochmals als zugabe zu singen.
Den Liedtext können Sie [hier] [9 KB]
herunterladen. oder einfach nachfolgend lesen.
S war mal s´ kleinste Dorf em Gäu
Ganz schee lang isch des scho her
A Kirchle hats ghet ond en scheena Altar
ond dazu a Kriegerdenkmal
Ganz schee gwachsa isch´s Dörfle seither
D´Kirch abbrocha vor 200 Jahr
ond´s Kriegerdenkmal war de Autos em Weg
en Stuttgart staht der Altar
Haslach isch onser ganzer Stolz
onser Freid, onser Sonnaschei
ond dass mir fast alle Haslacher sen
Druf bildet mir ons was ei.
Mr hend da größta Steinbruch em Gäu
Wenn gsprengt wird na wacklet die Wänd
Blast der Wend beim ma Hoch von Osta her
kommt a Gschmeckle vom Morof, ma kennts
A Grundschul hemmer seit 20 Jahr
mit älle 4 Klassa em Ort
A Handyantenne guckt nonder zur Schul
S´wär vielleicht doch besser die wär bald fort
Haslach...
D´Berliner Mauer isch scho seit 20 Jahr weg
Doch onsre bleibt ond staht fest
Sie schützt onsern Dorfplatz vor älle Feind
Nach Norden und nach West
Mr hend koi Post meh on au koi Bank,
nach Herraberg fährt schließlich a Bus
mir hend da beste ÖPNV
ond abends om zehne isch Schluss
Haslach...
König gibt´s koin me, aber en Haslacher Hof
A bissla Hochstapla muss scho sei
Mir ganget da lieber en Mostbesa nei
Der isch zwar kloi aber fei
an der Hauptstraß a Ruine onter Denkmalschutz
A Zehntscheuer ond a Most-Denkmal
en Bäcker der nemme bloß Berliner backt
Wurst ond Fleisch gibts en ra Garage
Haslach...
A Apothek ond en Arzt braucht hier koiner
denn mir Haslacher sen älle gsond
Kröpf gibt´s bei ons scho lang koine meh
Papierkörb hemmer für d´ Hond
Am End gibt´s für elle en schöna Trost
Au wenn d´ ganz Welt a Jammertal
Vom Friedhof hasch da schönste Blick
Auf d´Alb ond ins Ammertal
Haslach...
Text/Musik: Volker Mall, Haslach
2010
